Nor izanen da ondoko txapelduna ?

2005-10-18 | Partekatu: facebook | twitter

Denetan, Euskal Herri guziko 38 bertsularik parte hartzen dute lau urtetarik iragaiten den Euskal Herriko Bertsolari Txapelketa Nagusian. "Andoni Egaña":http://www.eke.org/kultura/bertsularicom/historia/bertsularitzaren_historia/bertsularitza_probintziaka/gipuzkoa eta Maialen Lujanbio (txapeldunordea) jadanik sailkatuak dira abenduaren 18an lehen aldikotz Bizkaian (Barakaldo) iraganen den finalarentzat. Beste guziek aldiz, final-laurdenak eta final-erdiak gainditu beharko dituzte lehenik.

Bi kanporaketa antolatuak dira Lapurdin : final-laurden bat Uztaritzen urriaren 22an eta final-erdi bat Hendaian azaroaren 6an.

Sustrai Colina, Amets Arzallus eta Miren Artetxe (2005eko txapelketako parte-hartzaile gazteena) bertsulari gazteak izanen dira txapelketa honetako ipar Euskal Herriko ordezkariak.

Euskal Herriko Bertsolari Txapelketa Nagusiari buruzko xehetasunak :

• Antolatzailea : Bertsozale elkartea
• Txapelketaren webgunea : http://www.txapelketanagusia.com

Bertsularitzari buruzko xehetasunak

• Bertsularitza ezagutarazteko webgunea : http://www.bertsulari.com
• Bertsularitzaren web ataria : http://www.bertsozale.com