Andoni Egaña laugarren aldiz Txapeldun

2005-12-19 | Partekatu: facebook | twitter

Barakaldoko BEC areto mukurru betean bildu 13.000 pertsonek giro aparta sortu eta bertsu zoragarriez gozatu zuten goizean nahiz arratsaldean.

Hala ere, ezusteko handirik ez zen izan, finalean sartu ziren zazpi bertsolarietatik inork ez baitzuen lortu Andoni Egañari txapela kentzea.

Hurbilena Unai Iturriaga Durangarra izan zen, berak erdietsi baitzuen maisuarekin buruz-buru neurtzea arratsaldeko saioaren azken txanpan.

Txapeldunorde Bizkaitarraren ondotik, orain dela lau urte txapeldunorde izan zen Maialen Lujanbio sailkatu zen, eta haren puntu kopuru berarekin Amets Arzallus bertsolari hendaiarra. Sustrai Colina Lapurdiko bertze ordezkariak aldiz, seigarren postuan amaitu zuen.

Andoni Egañak adierazi du hemendik bi urteren buruan jakinaraziko duela ondoko txapelketan berriz parte hartuko duenez.

Euskal Herriko Bertsolari Txapelketa Nagusiaren sailkapena :

Andoni Egaña (1796.5 pundu)

Unai Iturriaga (1746)

Maialen Lujanbio eta Amets Arzallus (1206.5)

Igor Elortza (1174)

Sustrai Colina (1171.5)

Aitor Mendiluze eta Jon Maia (1156)

Xehetasunak :

Txapelketa Nagusiaren webgunea

Bertsularitzaz xehetasun gehiago :

www.bertsulari.com

Bertsozale elkartea