Diktaketa bat idazketaren plazerrarentzat

2006-04-10 | Partekatu: facebook | twitter

Euskara idatzia arrunta bihurtu eta literaturaren gustua eman

Euskara idatziari buruzko mesfidantzen usatzea, hori da AEK-k eta Euskal Kultur erakundeak antolatu "Hitzaditza" diktaketaren lehen xedea.

Alabaina, zenbat aldiz ez ote dugun entzun : "sobera zaila da, ez dakit idazten, ez dut ulertzen idatzia delarik...". Ekitaldi honen helburua aurreiritzi horien uxatzea da euskaldun zahar eta berriak idatzitako hitzetara hurbilarazteko. Bi testu-maila proposatuak izanen dira, bata errexa bestea zailagoa. Izan ere, garrantzitsuena ez da parte hartzaileen euskara maila. Ideia kultura gertakari goxo baten antolatzea da.

Kultura sariak irabazteko

Hitzordua 2006ko maiatzaren 6an finkatua da,larunbatez, 9:30etan Baionako IUT-en (Jean Darrigrand etorbidea, 3). Diktaketaren ondotik, parte hartzaileek idazleekin mintzatzeko parada ukanen dute, zuzenketak egin artean. Emaitzak eguerdi aldean agertuko dira, sari ematearekin. Sariek kulturarekin zerikusia ukanen dute (harpidetzak, liburuak, DVDak, entziklopediak etab.).

Oraindanik saia zaitezkete sare bidezko diktaketa bati esker, hiru idazleren testuak entzunez : Jon Casenave, Itxaro Borda eta Harkaitz Cano.

Izenak maiatzaren 3a arte eman behar dira formulario elektroniko bat baliatuz, edo Euskal kultur erakundera (05.59.93.25.25.)edo AEK-ra deituz (05.59.25.76.09.).

Gehiago jakin

• Hitzaditza prentsa txostena (xehetasunak) - PDF 400 Ko
• Treba zaitez sareko diktaketa baten bitartez
• Izen-emateko formularioa elektronikoa
• Hitzaditza, diktaketa kulturala
• Pantxika Maitia-Euskal kultur erakundea
• AEK