« Itzuli albistegira

Eneritz Zabaleta Baionako Herriko Etxeko balkoian

2006-06-19

Baiona besten erritmoan

Abuztuaren 2tik 6ra, 5 egunez besta giroa izanen da nagusi Baionako karriketan. Pilota partidak, dantzaldiak, kantuak eta giro paregabea dira besta herrikoi handi honen osagai nagusiak.

Bertsulari Baionesa besten hasteko

1990az geroz, Euskal Kultur Erakundeak hautatu bertsulari batek bertsu bat ematen du Herriko Etxeko balkoitik, besten irekitzea adierazteko. Aurten, Eneritz Zabaletak ukanen du ohore hori.

Eneritz Zabaleta Baionan sortua da eta Baiona ttipian bizi. 22 urte ditu. Eskubidea ikasten du Baionako fakultatean. Errugbilaria da, Aviron Bayonnais taldeko Espoir kategorian.

Ttipitatik bertsularitza gustoko ukan du. Bertsu eskolako irakasleak ukan ditu : Aitor Sarasua, Xanti Iparragire eta Karlos Aizpurua. Gaur egun, astero ibiltzen da Oihartzunen trebatzen. Bertsularien Lagunak elkarteko zuzendaritzan da.

Bestalde, lehen aldikoz aurten, abuztuaren 3an, ostegun arratsaldeko 5etan, bertsu saio bat iraganen da Jacques-Portes plazan (Galeries Lafayetten parrean). Lau gaztetxo ariko dira : Maiana Irigoyen eta Paxkal Iriart Baionesak, Eztitxu Oillarburu Makearra eta Ximun Cazaubon Uztariztarra, lauak Kanboko Xalbador Kolegioko bertsu eskolakoak. Gai-emailea : Carlos Aizpurua.

Xehetasun gehiago :

• Daniel Landart-Euskal kultur erakundea
• Baionako bestak