Iratzeder olerkiz-olerki Biarritzen
Irailaren 9an, 16:00etan, Iratzederren olerkien irakurketa ilustratua eginen da Biarritzeko mediatekan. Halako omenaldi bat gaur egungo euskal olerkari handienetarik bati.
Jean Diharce Iratzeder Donibane-Lohizunen sortu zen 1920an. 1941az geroz, frailea da Ahurtiko Belokeko komentuan.
Lehen olerkiak 1936an idatzi zituen, eta bere bizi guzian, etengabe idatzi du, bi gairen inguruan bereziki : Jainkoaren amodioa eta Euskal Herriarena.
Bere olerki gehienak "Biziaren olerkia" 650 orrialdeko liburuan bilduak izan dira. Berrienak "Biziaren gudaldia" izenburupean argitaratuak izan dira.
Olerki guzi horien artean, Daniel Landart-ek 22 hautatu ditu. Jakes Larre arduratu da ilustrazioetaz. Bestalde, Kattalin Sallaberry-k, Pantxoa Etchegoin-ek eta Antton Hariñordokik olerkiak irakurriko dituzte, Joël Mérah-ren gitarra doinuek lagundurik.
Ikusgarriak oren bat irauten du eta sartzea urririk da.
Xehetasun gehiago :
Harpidetu doan gure buletinera
Euskal kultur erakundearen berripapera (Hilabetean behin)
