Hazparneko kultura astea

2007-09-15 | Partekatu: facebook | twitter

Bertsularitza gizartea galdezkatzeko

Hogeita hamar urte eta gero, aste kulturala berriz dator Hazparnera, eta aurten Hazparneko bertsolari edo koblariak izanen dira gai nagusia.

Bertsolariei esker iraganera itzul daiteke eta beren obren bitartez gure herrian jendea nola bizi zen jakin daiteke.

Beste jarduera guziak bezala, bertsularitza garatu da eta belaunaldi berriek hitza ederki baliatzen dute, gizartearen galdezkatzeko. Izan ere, garai eta aldaketa sozio-kultural ezberdinetara egokitzen jakin duen arte herrikoi hau osagarri onean da.

Hitzordu anitz izanen dira. Bertsularitzari buruzko mintzaldiak bertsu saioekin nahasiko dira, Sustrai Colina, Amets Arzallus edo Imanol Lazkano bezalako bertsulari gazteak entzuteko parada izanen delarik.

Bestalde, Baten Bila zikloaren barne, topaketa berezi bat izanen da Amets Arzallus bertsulariaren eta Ortzi Oiartzabal arrabita joilearen artean.

Asunak bio-azoka

Bertsularitzaz aparte, musikak, zineak edo arte plastikoek ere beren tokia ukanen dute kulturaldian. Alabaina, bertako artistek "Galerianoaren kantua"-ren inguruko beren obrak aurkeztuko dituzte.

Asunak bio-azoka irailaren 23an iraganen da, igandearekin. "OGM, la coexistence impossible" dokumentala karia hortara ikusgai izanen da irailaren 26an, asteazkenez, 21:00etan.

Xehetasunak :

• Eihartzea