Euskal munduen inguruko ikusgarria Hendaian

2007-10-01 | Partekatu: facebook | twitter

"Kaperan, a kapela" zikloko hirugarren hitzordua Euskal kultur erakundearen "Batekmila" programaren barnean sartuko da eta Baionan aukeztu berri duen erakusketaren izenburuan oinarrituko da : "Euskal Munduak". Mundu horien aipatzeko, Euskal kultur erakundeak bi bertsulari gomitatu ditu : Xabi Paya, Bizkaiko txapelduna eta Sustrai Kolina, Euskal Herriko Txapelketa Nagusiko finalean bi aldiz parte hartu duena. Bestalde, Ander Lipus antzezlea gomitatu du ere. Azken honek, ofizioa Madrilen ikasirik, bere performantzekin denak lilluratuko ditu, hain segur. Gai-emailea Unai Elizasu izanen da. Honek Antoine d'Abbadie astronomoaren, esploratzailearen eta hizkuntzalariaren ezohiko ibilbidea gogoan ukanen du. Alabaina, Antoine d'Abbadie biziki atxikia zen euskarari eta euskal kulturari bai eta munduko beste berezitasunei ere. Emanaldiaren antolatzailea Euskal kultur erakundea da, partaide dituela Hendaiako kultura elkartea/Hendaiako Hiria eta Antoine d'Abbadie fundazioa.

Sartzea : 8 euro. Saioak jauregiko gela desberdinetan eginen baitira, 50 jende baino gehiago ez da sartzen ahalko. Beraz atxik zuen tokiak urriaren 5a aitzin : 05.59.20.04.51. Jauregia bisita daiteke kontzertua baino oren bat lehenago.

Xehetasunak :

• Daniel Landart-Euskal kultur erakundea