Hizkuntza eta kultura topaketak Kanbon

2007-10-15 | Partekatu: facebook | twitter

Elkarrekin lan egin

Tokiko hizkuntza eta kultura topaketen helburua, urtero, erakunde publikoetako ordezkariak, funtzionarioak, hautetsiak, hizkuntza teknikariak eta hizkuntza eskualde horietatik etorri elkarte-kideak biltzea da :

• Frantziako tokiko hizkuntzen biziari buruzko xehetasunen trukatzeko;
• denen borondateak batzeko, tokiko hizkuntzen eta kulturen erabileran gertatzen diren arazo eta auziei buruzko mozioen bozkatzeko (erakaskuntza, azterketak, komunikabideak, administrazioa, kreoleren ezagupena,...);
• ekintza egitarau baten zehazteko ondoko urtearentzat.

Aktualitateari buruzko trukaketa

Aurten, topaketak Kanbon iraganen dira, Euskal Kulturaren aldeko Herriarteko Sindikata, Euskal kultur erakundea, Euskararen Erakunde Publikoa eta Euskal Konfederazioa antolatzaile lanetan arituko direlarik.

2007ko topaketak Eskualde, Estatu eta Europa mailako hizkuntza politikari zuzenduak dira.

Besteak beste, Euskararen Erakunde Publikoaren, bere jardueren eta instituzio partaidetzen aurkezpena eginen da. Bestalde, Euskal kultur erakundearen "Euskal nortasuna eta kultura XXI. mendearen hasieran" inkestaren emaitzak aurkeztuak izanen dira.

Beste gai batzu aipatuko dira, hala nola komunikabideak eta tokiko hizkuntzak : erronka teknikoak eta juridikoak edo Europako erakundeak (Europako Bulegoa, Europako Batzordea).

Gainera, topaketetan parte hartzen dutenek Donostiako Koldo-Mitxelena kulturunean dagoen "Batekmila-Euskal Munduak" erakusketa bisitatzeko aukera ukanen dute.

Aipatzekoa da tailerak publikoari idekiak direla.

Xehetasunak :

• Ikus egitarau osoa PDF formatuan (44,5 Ko)
• Pantxika Maitia - Euskal kultur erakundea