Euskara, belaunaldien arteko lokarri

2008-01-12 | Partekatu: facebook | twitter

Abenduaren 3a, Euskararen Nazioarteko Eguna

Eusko Ikaskuntzak 1949an sortu zuen Euskararen Nazioarteko Eguna urte guziz ospatzen da. Internet-i esker batez ere, munduko euskal komunitate guziak besta honen parte-hartzaileak bilakatu dira.

Euskal kultur erakundeak ere molde berezi baten bidez juntatzen da ospakizun honi bere "Xaharren urratsetik" programaren bloga sarean emanez: http://xaharren.urratsetik.eke.org.

Haurrek bildu lekukotasunak

2004an hasi "Xaharren urratsetik"-en helburua, trukaketa goxo baten bidez zahar-etxeetako pertsonen ongizatea bilatzea eta pertsona horiei esker memorio kolektiboa aberastea da. Ekimen honek Caisse d'Epargne banketxearen laguntza eskuratu du.

Iparraldeko herri ezberdinetako eskolek parte hartu dute programan. 2007ko urte hastapenean Donibane Lohizuneko Urdazuriko eskola publikoko haur elebidunak eta ikastolako haurrak ari izan dira kazetari lanetan aitatxi eta amatxi batzuengana joanez. Gai zehatz batzu jorratu dituzte: 39-45eko gerla, Donibane-Lohizuneko garapena, itsasoari eta arrantzari lotu mundua, desagertu diren ofizioak, euskara...

Euskara egon da beti belaunaldi horien arteko komunikazio hizkuntza.

"Xaharren urratsetik" blogak elkarretaratze horiek laburbiltzen ditu argazki eta testu zonbaitzuren bitartez. Adineko pertsonen lekukotasunak entzungai daude ere bai, gaika sailkatuak, podcast modura.

Xehetasunak

• Xaharren Urratsetik bloga
• Pantxika Maitia - Euskal kultur erakundea
• Euskararen Nazioarteko Eguna