« Itzuli albistegira

370 gazte Itoiz talde mitikoaren musikan murgilduak

2008-04-11

Egitasmoaren helburu nagusia ITOIZ musika talde ohiaren 11 kantuz osatutako bi kontzertu antolatzea da ekainaren 6an Donibane-Garazin eta 17an Miarritzen "Jazz'in collège topaketakari". Kantu horiek José San Miguel musikegileak egokitu ditu haur koruek bi ahotsetan kanta ditzaten.

Iparraldeko 9 kolegiotako koralek parte hartuko dute eta Landesetako batek, erran nahi baita orotara 370 ikaslek. Kontzertu horietan 6 musikarik lagunduko dituzte ikasleak eta Juan Carlos Perez bera (Itoiz taldearen sortzailea) hor izanen da.

Oraindanik gogoan atxik kontzertuen datak:

• ekainaren 6an, ostiralez, 21:00etan Donibane-Garazin (Jai-Alai)
• ekainaren 17an, asteartez, 21:00etan (Gare du Midi).

Euska kultur erakundeak daraman "Eduki" internet formakuntza sailari esker, erakasleek http://itoiz.eke.org bloga osatu dute ekitaldiaren inguruan. Ikasleek barnean idatz lezakete ere. Itoiz taldearen aurkezpen bat, argazkiak, kantuen hitzak eta bideoak atxematen dira webgune hortan. Gainera www.eke.org eta radiokultura.com atarien arteko partaidetzari esker parte-hartzaileei egin elkarrizketak podcast baten modura bilduak dira.

Argibide gehiago:

• Egitasmoaren eramailea Musiques en milieu scolaire
• http://itoiz.eke.org