Euskal Herria Zuzenean festibalak Zuberoari agur
Euskal Herria Zuzenean festibala Zuberoan iraganen da azken aldikotz, Idauze-Mendin hain zuzen, heldu den ekainaren 27, 28 eta 29an. Festibalaren webgune arraberrituak aurtengo edizioaren aitzin-programazioaren berri ematen du. Laguntzaileek oraindanik izena eman lezakete bertan.
Euskal Herria Zuzenean Zuberoan iraganen bada aurten ere ekainaren 27tik 28ra, azken aldia izango da. Izan ere 13. edizio honekin batera Arrosako aldairaz geroztik 2003an publikoak ezagutu zituen Idauze-Mendiko alorretatik behin-betikotz urrunduko da festibala.
Kokapen berriaren inguruan ez da oraino komunikatu eta mementukotz antolatzaileek lehen-lehenik Zuberotarren behar bezala omentzea dute helburu, bost urtez eskaini laguntzarengatik.
Behin-behineko egitaraua zabaltzen hasi dira ere bai. Zonbait talderen izenak plazaratu dira:
- Toots and the Maytals
- Keny Arkana
- Obrint Pas
- Latzen
- Ruper Ordorika
Kontzertuetaz aparte animazio egitarau aberatsa prestatzen ari dira ere, belaunaldi guzien gustukoak izan beharko luketeenak.
http://www.ehz-festibala.com guneak 2008ko behin-behineko programazioa agerian uzten du baita festibala egin nahi dutenek baliagarriak kausi ditzaketen informazio parrasta bat.
Bide batez laguntzaile izan nahi dutenek ere beren izena eman lezakete gunean dagoen formulario bat betez.
Webgunearen eraldaketa Euskal kultur erakundeari esker eramana izan da, kultura edukien sareratzea bultzatu nahi duen "Eduki" formakuntza programaren barnean.
Xehetasunak:
Harpidetu doan gure buletinera
Euskal kultur erakundearen berripapera (Hilabetean behin)
