Xabier Diharce "Iratzeder" Belokeko olerkaria gogoan

2008-10-15 | Partekatu: facebook | twitter

Iratzeder bere bizi luzean ez da euskaraz izkiriatzetik gelditu. Biziaren olerkia liburu gotorrean eta Biziaren gudaldia liburuetan aurkitzen dira, besteak beste, Euskal Herria goresten duten idazki hunkigarriak.

Hona Daniel Landart-ek, 2003ko urriaren 19an, "Iratzeder, olerkiz-olerki" emanaldiaren aurkezpenenean erraniko hitz batzu...

Gauza barnakorrak, xinpleki erranak...

"Hemezortzi urtetan, abertzale bilakatu nintzelarik, euskararen aldeko suak beroturik, hasi nintzen barra-barra euskarazko liburuak leitzen, eta dudarik gabe, ene gogokoenak izan zirela Iratzeder-en "Pindar eta Lano", "Zeru menditik", "Argiz-argi", besteak beste; eta zinez, jakituz, gozatu nituenak. Geroztik ere, noiz behinka, beti atsegin berarekin irakurtzen eta preziatzen ditut : hainbeste gauza barnakor eta funtsezko, hain goxoki, hain ederki, eta denbora berean, hain xinpleki erranak, den-denek konprenitzeko eta maitatzeko gisan..."

"Nahi nuen bihotz osoz nere Jainkoa maitatu ; Nahi nuen indar oroz Herriarentzat bermatu. (...) Nahi nuen bien maitez osoki bizi, osoki; Bainan bien maitatzeko bihotz bakar bat izaki..."

Bi kopla hauek ezin hobeki laburbiltzen dute Iratzeder handiaren tira-bira: Jainkoa eta Euskal Herria, kasik bere olerki guzietan aipatzen dituenak, aipatzen baino gehiago ere, erran nezake, goresten dituenak...

Iratzeder baitugu Jainkozaleetan Jainkozaleena, abertzaleetan, abertzaleena! Jainkoari bere bizia eskainiz eta bizi osoan euskaraz idatziz!

Agur eta ohore zuri, eta eskerronak zuri, Belokeko fraide dohatsua !

Jakin gehiago:

• Xabier Diharce Iratzeder
• Lucien Etxezaharretak Iratzeder olerkariari egin elkarrizketa - Euskonews - 2001