"Bataklon eta karamelo sorgina" haurrendako liburua

2008-12-20 | Partekatu: facebook | twitter

"Bataklon eta karamelo sorgina" albuma Iparraldean sortu eta Hegoaldean ekoiztuko den sail baten lehen alea da. Sei urtetik gorako haurrentzako izanen dira sail honetako ipuinak. Denak ere BataKlon ahari (marro) sinpatikoa izanen dutelarik pertsonaia nagusia. Album hauek Euskal Herriko elezahar eta kondairak berritu nahi dizkigute egungo hizkeran eta ikusmoldean, eta egungo arazoen berri emanez.

Alberdania argitaletxeak eramaten du egitasmoa. Lehen ale horrentzat Euskal kultur erakundeak Marko Armspach marrazkilariaren obra artistikoa lagundu du bereziki. Jatorrizko testua (frantsesezkoa) Sylvet Caro idazlearena da. Kattalin Totorika itzultzaileak euskaratu du.

Nor da BataKlon?

BataKlon borondate oneko aharikoa da, baina ez hain esanekoa. Bihozdun, bizkor eta jeinutsua da, bai eta txoriburua eta pixka bat sineskorra ere. Hain da atsegina non haur guztiek izugarri maite baitute.

Non bizi da BataKlon?

Han goian, Ursuiako Mendian, Euskal Herriaren bihotzean, Kuxku Jainkotegia antzina-antzinatik kokatua da. Baina Kuxku Jainkotegi hura ez du inork inoiz ikusi, ikusezina baita. Han bizi dira Aztitza Maisu azti gaztea eta BataKlon, honen aprendiza, Latxa arrazako aharikoa.

BataKlon eta Karamelo sorgina: ixtorioaren trama

Euskal Herriaren bihotzean, haranen artean eta ur xirripa artean, Herri Behereko biztanleak pozik bizi dira, bake-bakean. Baina, gaur, ez da bakerik gehiago, amorruz astintzen dituzte bertakoek pankartak eta banderatxoak. Biztanle guztiek errepikatzen dute batera: "Aski da! Hortz txantxartuez aski dugu". - Zer da iskanbila hau? - galdetzen du BataKlonek. Herri Beherera bakea berriz ekarriko duela erabakia harturik, detektibez mozorrotzen da. Harrigarria izango da ikasiko duena...

Xehetasunak:

• Bataklon eta Karamelo sorgina - Alberdania argitaletxea