Historia kondatzen duten 40 tokiak

2008-12-12 | Partekatu: facebook | twitter

Hazparneko, Kanboko eta Amikuzeko mediatekek, Euskal kultur erakundearen partaidetzarekin "Euskal Herria : Historia kondatzen duten 40 tokiak / Les 40 lieux qui font l'histoire" liburu berriaren aurkezpenak antolatzen dituzte abendu honetan, Peio Etcheverry eta Peio Etcheverry-Ainchart idazleen parte-hartzearekin. Bi hizkuntzatan idatzia den liburu honen aurkezpenak euskaraz eginen dira, bat-bateko itzulpenarekin.

Euskal Herriko historia aberatsa da. Paleolitikoko ehiztari-fruitu biltzaileen arotik, XXI. mendeko puntako ingenialarien garaia arte, lurralde honek bilakaera anitz izan ditu, nahiz politikoak, kulturalak, ekonomikoak edo sozialak. Bilakaera hauek espazioa markatu dute : edonon aurki daitezke aztarnak ingurumena ikuskatzera hurbiltzen bada eta diona entzuten ikasten bada bederen. Harpeako aterbe protohistorikoa, Loarreko ertaroko gaztelua, Donibane-Lohizuneko oholtza barokoa edota Bilboko Guggenheim erakustokia... Euskal Herriko historiaren 40 leku adierazgarrienak hautatu dituzte. Bakoitzari argazki eder bat doakio (**Bertrand Lapègue**), idazki labur bat eta aipaturiko garaia ulertzeko lagungarriak diren ohar edo dokumentu osagarri batzu. Lurraldea mintzatzera utz iragana ulertzeko gisan. Denboran eta espazioan zehar egin bidaia bat...

Hitzorduak :

• Hazparneko Mediateka : 2008ko abenduaren 10a, asteazkena, 18:00etan,
• Kanboko Mediateka : 2008ko abenduaren 18a, osteguna, 18:00etan,
• Amikuzeko Mediateka : 2008ko abenduaren 20a, larunbata, 10:00etan.

Xehetasunak :

• Pantxika Maitia - Euskal kultur erakundea
• Hazparneko Mediateka
• Kanboko Mediateka
• Amikuzeko mediateka