Azken agurra Mixu Mixelena artistari

2009-01-03

Mixu Mixelena joan den ostiral gauean, Aviron Bayonnais eta Castres-en arteko errugbi norgehiagoka hasi aitzin, Baionako taldearen ereserkia kantatu zuen eta handik guttira hil zen, bihotzak jota.

Musikari urruñarra belaunaldi baten erreferentzia izan da Sustraia rock taldearen kantari karismatikoa izanik 17 urtez.

Berriki MMX taldean parte hartu zuen. Bakarlari gisa diska bat plazaratu zuen ere 2008an.

Hona 2009ko urtarrilaren 9an, Mixuren ehorzketetan emanak izan diren bertsuak :

Mixuri, (Habanera airean)

Baionako zelaiatik

zabaldu zaugu berria

azken kantua emanik

ixildu zela xoria.

Aspaldian zen hasia

alaitzen gure herria

ta denetan ezaguna

agertzen zuen irria.

--------------------

Urruñako fanfarean

emanik lehen pausua

Herburuko txarangari

eman izan zion sua

Izan, Sustrai taldeetan

bilakatu zen maisua

hain arina bai zuen

taula gainean pisua.

--------------------

Musikariek miresten

genuen zure kantua

oholtzetako magia

zenuen barneratua

atabala izan duzu

zure tresna maitatua

umorea eta ahotsa

barne barnetik sortua.

--------------------

Urtea hasi orduko

mindu da gure bihotza

ezin gehiago ikusi

zure salto eta dantza.

Ez zara ez ixilduko

hori da gure esperantza

Mixu gu izanen gera

zure kantu testigantza.

----------------------

Xehetasunak:

• Mixu Mixelena
• Sustraia