Natur ondarea: Paul Jovet eta Jean Bost naturalistei omenaldia

2009-10-14 | Partekatu: facebook | twitter

Donibane Lohizuneko Paul Jovet baratze botanikoaren adiskideek Paul Jovet eta Jean Bost biologoak omendu nahi izan dituzte 2009ko urriaren 10ean.
Paul Jovet (1896-1991) Pariseko natur historiako botanista zen. 1930etik goiti Euskal Herriko landarediaren berezitasuna ikertu zuen hainbat bidaia eginez. Baratze botanikoaren egitasmoa bultzatu zuen, itsastertzeko espezieak kontserbatzeko asmoz.
Jean Bost (1934-1995) biologia erakasle gisa ari izana zen Ravel Lizeoan Donibane Lohizunen baita Baionako IUFM errienten eskolan. 1962tik 1995 arte erakasle eta ikasle belaunaldi anitzek ezagutu eta preziatu dute aparteko pertsona hau. Humanismo anitzekin tokian tokiko naturguneen eta espezieen ezagutza bultzatu du. Elkarte eta erakunde frangok bere jakitatea berenganatu dute, hala nola Euskal kultur erakundeak euskal ondarearen batzorde iraunkorrean (batzorde-kidea izan zen). Danielle Albizuk omendu zuen bere olerki batean.
Xehetasunak: Jean Bost; argazkiak eta Danielle Albizu-ren olerkia.

Kultura agenda zure e-postara

Zure helbide elektronikoan atari honetako albisteak eta datozen gertakariak astero eskuratuko dituzu. Zure gustokoa ez bada edozein unetan harpidetza eten dezakezu, nehori azalpenik eman gabe.
Harpidetzaz gehiago jakin [+]