Zortzi bertsulari, txapel bakarra

2009-12-06 | Partekatu: facebook | twitter

Andoni Egañak Txapela berriz jantziko ote du?

48 urtetan, Andoni Egaña bertsolari aparta da eta 1993az geroz bertsolaritzaren maisu ukaezina (4 aldiz txapeldun 1993, 1997, 2001 eta 2005ean).

Aitor Sarriegik lehen aldiz parte hartuko du Euskal Herriko Bertsolari Txapelketa Nagusiaren finalean

Hala ere, orain duela lau urte jantzi txapela gal dezake abenduaren 13an, Barakaldon. Alabaina, finalerako sailkatu diren beste zazpi bertsolariei buru egin beharko die, atxiki nahi baldin badu. Finalistak kasik 2005eko berak dira salbu Igor Elortza ez dela sailkatu eta Aitor Sarriegik ordezkatuko duela, lehen aldikotz Euskal Herriko Bertsolari Txapelketa Nagusiaren finalean parte hartuz.

Hauek dira finalean arituko diren bertsolariak :

• Andoni Egaña (48 urte), txapelduna 1993az geroz
• Maialen Lujanbio (33 urte), finaleko emazte bakarra, 2003an Gipuzkoako txapelduna eta Euskal Herriko Txapelketa Nagusian bi aldiz finalista izana
• Amets Arzallus (25 urte), Iparraldeko txapelduna 2008an, bigarren aldiz parte hartuko du Euskal Herriko Txapelketa Nagusiko finalean
• Unai Iturriaga (35 urte), bi aldiz Bizkaiko txapelduna eta lau aldiz iritsi da Txapelketa Nagusiko finalera
• Jon Maia (36 urte), hiru aldiz Txapelketa Nagusiko finalista ;
• Aitor Mendiluze (34 urte), bi aldiz Txapelketa Nagusiko finalista eta bi aldiz Gipuzkoako Txapelduna
• Sustrai Colina (26 urte), bi aldiz Txapelketa Nagusiko finalista
• Aitor Sarriegi (32 urte) lehen aldikotz Txapelketa Nagusiko finalera iristen dena.

Ipar Euskal Herria ongi ordezkatua izanen da beraz, Amets Arzallus eta Sustrai Colina Lapurtarrei esker.

Barakaldoko BEC aretoa betea

Barakaldoko Bilbao Exhibition Centre (BEC) aretoa mukurru betea izanen da abenduaren 13an. Sartze guziak salduak izan dira.

Txapelketaren antolatzaileek eta Euskal kultur erakundeak irabazteko 6 txartel eskaintzen dituzte www.eke.org web atarian.

Finala bi zatitan banatuko da : goizeko saioa 11:00etan hasiko da eta arratsaldekoa 16:30etan. Bi saioetan, bertsolariek ariketa desberdinak egin baharko dituzte.

2009ko Txapeldunaren izena 20:00ak aldean jakinen da.

Xehetasunak :

• 2009ko Txapelketa Nagusiaren webgune ofiziala : www.txapelketanagusia.eu
• Txartel bat irabaz finalarentzat !
• Bertsolari Txapelketa Nagusiaren historia