Larraineko gazteen maskarada

2010-01-08 | Partekatu: facebook | twitter

Oroitarazi behar da Larraineko biztanleek antolatu azken maskarada 1997koa zela. 2010ean, gertakari honen antolaketan parte hartzen duten aktoreen, dantzarien eta musikarien adinaren bataz bestekoa hogei bat urtekoa da.

Aipatzekoa da ere, neska frango agertzen direla eta ez bakarrik dantzarietan : 2008an bezala "xorrotx"-ak neska-mutiko batzuk eginen dituzte.

Beren sorterritik abiaturik, larraindar gazteak Zuberoko 12 herritan arituko dira negu eta udaberri hauetan :

• urtarrilaren 17a : Larraine
  Kasu: egun horretan maskarada goizez emanen da bakarrik.
• urtarrilaren 24a : Ligi
• urtarrilaren 31a : Atharratze
• otsailaren 7a : Eskiula
• otsailaren 14a : Muskildi
• otsailaren 21a : Arrokiaga
• martxoaren 7a : Altzürükü
• martxoaren 14a : Altzai - Lakarri
• martxoaren 21a : Santa Grazi
• martxoaren 28a : Aloze
• apirilaren 4a : Barkoxe
• apirilaren 11a : Urdiñarbe
• apirilaren 18a : Gamere
• apirilaren 25a : Larraine

Herri guzietan, "barrikadak" izanen dira 10:00etatik goiti. Ikusgarri nagusia aldiz, arratsaldeko 4ak aldean hasiko da.

Ihauteri garaiko bertze ohidurek bezala, dantza eta antzerkia nahasten dituzten Zuberoko maskaradek, neguaren bukaera adierazten duten lehengo jarduera eta sinesmen anitz biltzen dituzte. Adibidez, ikusgarrian agertzen diren "Pitxu"-ren heriotza eta berpiztea, sinbolika horren froga dira.

Xehetasunak

• Zuberoko maskarada
  
• Zuberoko Turismo Bulegoa : 05 59 28 51 28 (Atharratze) edo 05 59 28 02 37 (Maule)
• Larraineko Herriko Etxea : 05 59 28 62 80

Goiko argazkiaren iturria: Xiberoko Botza (Leienda: Maskaradaren aurtengo Xorrotxak: Ximun Akozeberri eta Nadine Elgoien)