Kultura ondarea egitasmo kolektibo baten iturri

2010-01-23 | Partekatu: facebook | twitter

2008an, Ahetzeko udala, herriko ondare bat berpiztu nahian, Errobi-Urdazuri Sindikatura hurbildu zen (Garapen Proiektu Kolektiboaren esparruan, enplegu eta txertatzeari lotu batzordearekin bereziki harremanetan sartu zen). Udalaren asmoa Tokiko latsarria zaharberritzea zen, ber denboran partaidetzan eraman lanari eta lanbide formakuntzari balioa emanez.

2009. urtearen hasieratik goiti, Errobi-Urdazuri sindikatuak pilotatze batzorde bat abian jartzen du, formakuntza-lantoki batean oinarriturik.

Lanak bi fasetan banatu dira; talde batek hargintzako lanak egin ditu 2009ko irailetik 2010eko urtarril arte eta beste batek bere gain hartu du zureriaren ardura 2010eko urtarril amaieratik maiatz hasiera arte.

Obrak Eraikuntzako Lanbideen Federazioak segitzen ditu eta Etxarriko Laborantzako Formakuntza Zentroak enpresan egin ikastaroei lotu zatia segurtatzen du.

Euskal kultur erakundeak ondare mailan dituen jakinduriak partekatzen ditu (Terexa Lekumberri-ri esker). Horrela, lan teknikoaz bestalde, ikasleek, zaharberritzen ari diren objektuaren balio sozial eta sinbolikoa ezagutzeko parada ukanen dute. Adibidez, latsarriaren zaharberritzaileak latsarria erabili edo erabiltzen ikusi zuten lekuko batzuekin bildu dira eta Ahetzeko eskola publikoko haurrak errezibitu dituzte latsarrian.

Tokiko ondare eraikiak aukera anitz eskaintzen du. Formakuntza-lantoki horren ebaluaketak antzeko eragiketak eragin ditzake Ipar Euskal Herriko beste toki batzuetan.

En savoir plus :

• Ahetzeko latsarriaren zaharberritzea: ikus dozier osoa (Ahetze herria, obren deskribapena, haurren ikusmoldeak, herri memoria, partaideen hitza, bideoak, argazki-bildumak...)