Hartzaro festibala Uztaritzen

2010-02-05 | Partekatu: facebook | twitter

Hartzaro festibalak negutik udaberrirainoko iragaitearen besta metafora bat izan nahi du : mendeetako ihauteri tradizioaren, karrika animazioen, kontzertu ala ikusgarrien, erakusketen, mintzaldi-eztabaiden edota bertsolaritzaren bitartez, euskal kultura bizi-bizia da.

Ondare hori haurrei helarazi nahi zaie (egun berezi bat antolatua da otsailaren 13an) baina ere herriko biztanle berriei ; hori da festibal honen erronketatik bat.

Hartzaro festibalaren afitxa

Urtez-urte, Festibala Uztaritzeko auzo berrietara hedatzen da, bai eta inguruko herrietara, elkarrekin lan egin nahi duten guziak bilduz.

Bestalde, Hartzarok tradizioa bizi berritzeko xedea dauka, urte guziz sorkuntzak manatuz.

Festibalaren hastapenaz geroztik Mizel Théret koreografoa berrikuntza bilatze horren protagonista nagusienetarik bat izan da. Bera dugu gaur egungo ihauterien parte diren Hartza Iguzki edota Abereen dantza bezalako dantzen sortzailea. Bere bi azken sorkuntzak ("Dorrea" eta "Mutur zikin, Bihotz bero" ikusgarriko dantzak) aurkeztuak izanen dira.

"Mutur zikin, Bihotz bero" ikusgarriko dantzariak

Hartzaroren 14. edizio hau, kantuaren, musikaren, dantzaren eta argazkigintzaren inguruko topaketa berriak egiteko parada izanen da (Ikus egitaraua). Alabaina, besteak beste, bidaia bat antolatua da Lantzeko Ihauterietara joateko otsailaren 15ean.

Xehetasunak

• Hartzaro 2010 : egitaraua
• Herri soinu elkartea
• Uztaritzeko Errobiko kaskarotak

Hartzaro festibala Herri Soinu eta Uztaritzeko Errobiko kaskarotak elkarteek antolatua da Euskal kultur erakundearen sustenguarekin.