Parise, euskal munduen hiriburu

2010-07-15 | Partekatu: facebook | twitter

Estrenatu denetik 2007an "Batekmila - Euskal munduak" erakusketa (ikus aurkezpen orria) 13 tokitan erakutsia izan da. Euskal Herrian (Baionan, Donostian, Bilbon, Gasteizen eta Iruñean besteak beste), Frantziako Bordelen, Albin eta Ambarès & Lagraven baita Katalunian, Bartzelonan. Herri guzi horietan arrakasta gaitza bildu du, gazteenen ganik batez ere, bere alde elkarreragile eta ludiko direla medio.

Parisen, XVII. barrutiko Herriko Etxean ikusgai  izango da Batekmila, 2010eko uztailaren 16tik agorrilaren 20era, astelehenetik ostiralera, 8:30etatik 17:00etara, eta ostegunetan 19:00ak arte. Sarrera dohainik da.

Euskal kultur erakundeak animazio egitarau bat osatu du ere erakusketaren aurkezpena dela eta (ikus programa PDF formatuan).

• Uztailaren 16an, "Anaiki" abesbatzaren  kontzertua izango da.
• Uztailaren 18an, "Biper Neskak" taldeko neskek Batignolles merkatua alaituko dute kantuz eta musikaz.
  
• Uztailaren 23an, Patxi Perez-ek animatu dantza ikastaldia iraganen da "Patxi eta konpainia" taldearekin.
• Uztailaren 27an eta 28an, euskal kondairak kondatuak izanen zaizkie tokiko haurrei.
  
• Agorrilaren 6an, euskal kantuaren inguruko solasaldia eskainiko du Pantxoa Etchegoin Euskal kultur erakundeko zuzendariak.
• Agorrilaren 18an, Maddi Oihenart kantariaren eta Jérémy Garat musikariaren entzuteko parada izango da. 

Parisera joateko molderik ez dutenak kontsola daitezela: erakusketaren entzun-ikus edukiak bost hizkuntzetako (euskaraz, frantsesez, gazteleraz, inglesez, eta katalunieraz) internet aplikazio berezi batean sareratuak daude dagoeneko (www.euskalmunduak.com). Era berean, erakusketa ikusia dutenek ere gustoko edukiak nahi bezainbat begiratzen ahalko dituzte etxetik.

Xehetasunak:

• Euskal kultur erakundea
• Pariseko Eskual Etxea
• Pariseko XVII. barrutiko Herriko Etxea