Euskal kulturaren berri Netvibes sarean ere

2010-08-29 | Partekatu: facebook | twitter

Netvibes sareko agregatzaile ezagunetarikoa da: denbora berean anitz informazio iturri desberdinen ikusteko parada ematen duena, behako batez eta dohainik. RSS harien teknologiak ahalbidetzen du hori.

Frantzian, besteak beste, administrazio batzuek (Documentation française argitaletxe nazionalak adibidez : www.netvibes.com/ladoc) edo tokian tokiko instituzio batzuek (Muséum de Toulouse museoa adibidez: www.netvibes.com/museumdetoulouse) Netvibes "unibertso" bat jarri dute sarean.

Euskal kulturaren atariak berea badu ere orain : www.netvibes.com/eke helbidean bisitariak www.eke.org gunean argitaratu diren azken eduki berriez ohar daitezke behako batez : albisteak, ekitaldien eta erakusketen agenda, elkarrizketak, bideoak, argazkiak...

Aldi berean sargiak sare sozialetan daukan bizia laburbildurik aurkezten da eta informazio oro horiek automatikoki eguneratuak dira.

Netvibes.com/eke unibertsoa elebiduna da (euskara / frantsesa) eta arbelatan antolatua.

Euskarazko edukiak hiru arbeletan banatuak dira:

• Agenda: Iparraldeko Euskal kulturaren berrien eta agendaren azken titularrak begistatzeko aukera;
• Euskal kultura: www.eke.org atarian kargatu diren azken elkarrizketen, bideoen eta esteken berri, baita www.guremunduak.com gunera igo diren azken argazkien errepasoa;
• Euskal kultur erakundea: erakundeari buruzko azken berriak, elkarte-kideen zerrenda...

Azpimarratzekoa da erabiltzaile bakoitzak bere informazio atari pertsonala eraiki dezakeela gustukoak dituen moduluak (widgetak) hautatuz. "Agenda" izeneko modulua edozoin webgune edo blogetan txertatzen ahal da ere adibidez.

www.netvibes.com/eke unibertsoan aurkeztuak diren moduluak erregularki aberastuak izanen dira.

Esperimentazio honen helburua publiko berri batzuen gana heltzea da bereziki. Komunikazio estrategia orokor batean kokatzen da. Izan ere Euskal kultur erakundeak, euskal kulturaren baliabide zentro gisa, www.eke.org atarian argitaratzen diren edukiak molde transbertsalaz zabaldu nahi ditu hedapen kanala guziak baliatuz.

Xehetasunak

• www.netvibes.com/eke