(We apologize for not being able to present the contents in English for the moment. You can get the information in absence in one of the other languages available on the site. ). Language Issues

Euskal kulturaren erronkak ''Euskal Herria 2020'' lurralde egitasmoari begira

Mikel Erramouspe Euskal kultur erakundeko lehendakariaren ekarpena

2006ko martxoa

Euskal Herriarentzako lurralde egitasmoa gogoetatu eta lantzeko unean, hona azpimarratu nahi ditugun erronkarik nagusienak.

  1. Euskal kultur erakundeak kultura politika zentzuduna garatu nahi du. Zentzua emateak erran nahi du, alde batetik, gu baino lehenago lur honetan bizi izan diren eta, jenio zerbait baitzuten, kultura miresgarri bat asmatu duten gure aitzineko guziei lotzen gaituzten ohituren garatzea. Lotura honi esker, erroturik sentituko gara eta aiseago aurkituko dugu gure lekua gaurko munduan. Baina zentzua emateak erran nahi du ere besteekin harremanetan izatea. Proposatu ekitaldi eta ekintza desberdinen bidez, Euskal kultur erakundeak « loturak » eskaini nahi dizkio hain anitza den gizarte honi, tokiak eta uneak sortuz biztanleek elgarrekin ongi bizitzeko aukerak izan ditzaten.

  2. Euskal kulturaren altxorrek gaur egun gelditua den Europaren eraikuntzan parte hartzea besterik ez dute galdegiten. Kultur erakunde gisa, asmatu behar dugu nola bideratu gure lana Europar Batasuneko lurraldeek topo egin dezaten europar nortasun azkar bat eraikitzeko. Europak denen indarrak behar ditu amerikar nagusigoari eta nortasun edo erlijiozko fenomeno batzuek sortu sumindurei aurre egiteko.

  3. Beldurtzen gaituen globalizazioaren tenorean, Unesco erakundeak kultur aniztasunaren beharra argi eta garbi aldarrikatu du. Alor horretan, Euskal Herriak esperientzia apartekoa du. Hori dela eta, Euskal kultur erakundeak sakontzearen, sorkuntzaren eta hedapenaren aldeko ekimen guziak sustatuko ditu. Ezinbestekoa den aniztasun hori mundu mailan baloratzen duten trukaketak, gurutzaketak, eta topaketak ere bultzatuko dira.

Komentzituak gara Euskal Herriaren indarretarik bat euskal kultura dela. Euskal Herrian bizi diren guziei euskal kultura ezagutarazi eta bizitzeko aukera emanez, EKE-k egitasmo hau anitzez ere dinamikoago bihur dezake. Euskal kultura Euskal Herritik kanpora eramanez, ospe handiago bat eman diezaioke. Herri gisa existitu eta hedatu ahal izateko, Euskal Herriak kulturan inbertitzeko ahalmena izan behar du. Horrela baloratuko ditu, ahalik eta hobekien, bai bere irudia, bai eta bere ekoizkinen irudia ere.   


Subscribe to our events newsletter

Every week receive a selection of events by e-mail from the Basque Cultural Institute.
Subscribe now!

CHAMPIONSHIP - VISUAL ARTS

Sormenaren eresiak September 7th 2008

MEETING - MUSIC

Izpegiko txalaparta festa September 7th 2008

CONCERT(S) - MUSIC

Maialen - Xabaltx September 7th 2008

CONCERT(S) - KANTALDI

Izarrak September 7th 2008

LECTURE - HERITAGE

Gaztelu mendiko ikerketa arkeologikoak September 10th 2008

CONCERT(S) - CHOIR SINGING

Oldarra September 12th 2008

ANIMATION - CIRCUS

Oreka - Ate idekitzeak

MUSIC - VISUAL ARTS

Ertz - Bertze Musiken Jaialdia

EXHIBITION - VISUAL ARTS

Euskal margolaritza garaikidea

EXHIBITION - PHOTOGRAPHY

Euskal Herria 1860-1930

EXHIBITION - BATEKMILA EXHIBITION

Batekmila - Euskal Munduak

EXHIBITION - HERITAGE

Saralegui - Lesca

Pays basque numerique