(Lo sentimos pero este contenido no esta disponible en su idioma.). Política lingüistica en Eke.org

Louise EGURBIDE

Louise EGURBIDE sortzez Behaskandarra da. 82 urte ditu. Ttipi ttipia zelarik, burasoek Aiziritzen hartu zuten etxalde bat. Baratzekariak eta esnea egiten zuten, merkatuan eta etxez etxe saltzen. Aiziritzen ibili da eskolan.

12 urtetan sehi joan zen eta lanean ari izan da, behin Lukuzen haur zain gero Zohaztin, ondotik Lapizketan etxaldeko lanetan, bereziki kanpoan. Lan gogorrak egiten zituen : belarka, arto sartzen saskika bizkarrean, kanpoko eta barneko lanak… beti-beti lanean. Sehi egon ondoan, ama hil zelarik, etxerat itzuli zen 24 urtetan – 26 urtetan eskondu zen eta lau haur ukan dituzte. Senarra ere laboraria zuen, etxetiarra, Aiziritzen. Artoa eta ogia egiten zuten, urdeak eta behiak hazten. Pualleria kotsia ere bazuten. Arroltzeak eta sasoinean ahate gibelak saltzen zituzten Donapaleuko merkatuan. 1963an, Lur Berri kooperatifak erosi zuen beren etxaldea. Senarra hor sartu zen langile. Luisa aldiz, Donapaleuko eskola batean ari izan zen lanean 7 urtez sukaldari gisa. Ondotik ari izan zen ere Arberatzeko Jauregian.

Ez du aspaldi xahar etxean dela. Ontsa sentitzen da, besteekin harreman onak ditu. Trikotatzen ere aritzen da. Batzuetan, bere haurrek bere etxera eramaiten dute et gogotik badoa hara.

Xahar berri 

Louise orroitzen da ttipian, eskolan punizione gisa gela ilun batean « au cachot » egoiten zirela… 12 urtetan eskolatik gelditu zen eta gero sosaren irabazteko etxetik kanpo lanean ari izan zen.