Lasto altxariak

Egun diote joko hori beti danik izan dela gure herrietan; ez dut uste, zeren lastoa metatzen zen kanpoan eta gero “balotak” plegatzen etxe ondoko aterbetan. Hargatik, etxeren hegazpian ba dira oraino “pulia” deitu errotila batzu. Tresna hori dela medio, bigarren nivelerat altxatzen ziren ogi, arto, lur sagar…egun orotako janari baliosenak.

Beraz indar mota hori oso ezaguna zen; egun behar dute 7m gora altxatu, 45kg-ko lasto “balota” bat, hiru zangoren puntan den pulia bat hunki arte.

Lehen, beren pisuarekin altxatzen zuten, gorputza gibelerat uzkailirik.

Egun, lastoa firrindan heldu delarik beheiti, tirariak bere buria altxatzerat uzten du, 2-3 m gora, holexa bera lurrerat jeustiarekin, lastoa berriro abiatuko da goiti buruz. Bi minutoko epea dute, bainan hoberenek 15 aldiz, berdin gehiago, altxatzen ahal dute. Gaixo lastoak min hartzen du, beraz oihal lodi batekin eta taula mehe batzuekin josten dute.