Maddi Oihenart & Jérémie Garat

• Kantuz : Maddi Oihenart
• Musikaria: Jérémie Garat, txelo jolea

Etxahun-Iruri pastoral eta kantu idazle ospetsuak, pelota goretsiz, galdera hau egiten zuen : “Zer litzateke Euskal Herria pelotarik gabe?”. Guk aldiz segitzen dugu galdera hau eginez : “Zer litzateke Euskal Herria zuberotar kantaririk gabe?”. Eta zuberotar kantari onenen artean kausitzen dugu Maddi Oihenart. Inork baino hobeki xaramelatzen ditu kantu ohizkoak baita ere gaurko idazle batzuren testuak, bere emanaldia, maizenik, hitzik gabeko melodia batez hasten duela, Basa ahaidea deitzen dena. Jérémie Garat txelo joleak laguntza bikaina eskaintzen dio gaurko musikei begi keinu bat eginez…