Nahia Zubeldia & Manu Matthys

Kontzertua bi zatitan pasatuko da : lehenik, Nahia Zubeldia ziburutar gazteak kantatuko du (Unama, Sohano), bakarrik, gitarra akustikoarekin. Kantuen hitz eta musika guziak berak idazten ditu, euskaraz. Denak beraz sorkuntzak izanen dira, nahiz Mikel Laboaren bertsio bat tartean agertuko den. Maitasuna, ametsak eta irudimenezko munduak aipatzen ditu kantuetan, baita gizartearen eta biziaren zentzugabekeriak ere. Bigarren zatian, Manu Matthys gehituko zaio, Odei taldekoa, Nahiaren kantuetako batzuk soinu elektronikoz janztera, apaintzera.