Hemen zaude: Hasiera Euskal kultur erakundea

Euskal kultur erakundea

Euskal kultur erakundea 1990ean sortua izan da euskal eta euskarazko kultur adierazpenak laguntzeko.

Lota Jauregia Uztaritzen, Euskal kultur erakundearen egoitza

Sortze hori instituzioen diru partaidetzari esker burutu da. Hauetan dira kultur ministeritza, Akitania eskualdea, Departamendua eta 146 herri biltzen dituen euskal kulturaren aldeko herriarteko sindikata.

Araudien arabera, Euskal kultur erakundeak euskal eta euskarazko adierazpenak bultzatzen dituzten artisten eta 150 bat elkarte partaideren egitasmoei ematen die lehentasuna.

Hogei'ta programa

Datozen urteetan, Euskal kultur erakundeak gazteen kultura dinamiken erakusle izango diren sorkuntza eta adierazpide artistiko lagundu nahi ditu «Hogeita» programaren bidez. Epe ertain eta luzerako, EKEk gogoeta bat abiatu nahi du ere bere partaideekin, ondarearen transmisiorako tresna iraunkorren sortzeari buruz. Gehiago jakin

Kultura ekintzak eta egitasmoak

Sortu denetik Euskal kultur erakundeak  bi funtzio handi betetzen ditu: kultura egileen egitasmoen sustengatzea baita ekintza zuzenak eramatea zonbait alorretan, halanola ondaregintzan, ikusgarrigintzan, animazio edo dibulgazio mailan. Bestalde EKE-k urte anitzetako programak kudeatzen ditu ere. Gehiago jakin

Kultura politika publikoen arragoan

Kultura politika publikoen arragoan

Euskal kultura gehiago politika publiko ezberdinetan sartzeko helburuarekin, erakundeetako partaideek Euskal kultur erakundeari eginkizun berri bat eman die: hiri, herri-elkargo, eskualdeko egitura publikoetako arduradunen laguntzea politika publikoak zehazterakoan. Euskal kultur erakundeak daukan jakinduriarekin eta/edo bateratzen dituen kultura aktoreen bitartez, xede hartzen du euskal kulturaren inguruan ikerketen egitea, erakundeetako arduradunen aholkatzea politika publikoen finkatzen eta bideratzen, lurralde bakoitzeko kultura aktoreekin batera. Gehiago jakin

Harremanak

Euskal kultur erakundeko bulegoak publikoari idekiak dira astelehenetik ostiralera, 9:00etatik 12:30ra eta 13:30tik 18:00etara (kasu, asteazkenetan bulegoak 9:00etatik 13:00era idekiak dira eta ostiraletan 17:00etan hesten).

Helbidea: Lota Jauregia - PK 6 - 64480 Uztaritze
Telefonoa: 0 (033) 5 59 93 25 25
Kokapena: Ikus kokapen-planoa

Hogei'ta programa

Hogeita - LogoaEuskal kultur erakundeak gazte sortzaileei begira daraman kultur programa da "Hogei'ta".
Gehiago jakin