Olentzero garaiak

Hiruki elkarteak gogokoa ukan du ere gure kulturaren baitan barna dugun gai honen jorratzea: OLENTZERO.

    Kasik desagertua zen gizon zaharra nahi izan dugu gaurkotu eta bereziki Baionako aldean bere garaiko pesta eta ospakizunak  berpiztu. Hala nola, abendo osoan zehar,  beste kultur eragile batzuekin partaidetzan (EKE, Lauburu elkartea, Claude Labat, Xan Errotabehere..) antolatu ditugun hainbat    animazio eta ekitaldi.

Olentzeroren inguruko erakusketa.

Erakusketa honen helburua, duela bi urte martxan eman zena, Olentzero pertsonaiaren aurkezpen orokor baten egitea izan da, honen erran nahia argituz eta honen oraiko interesa aipatuz. Erakusketa Claude Labatek eta Lauburu elkarteak eraman lanari esker, eta EKErekin elkarlanean, burutu ahal izan dugu.

Izan ere, Claude Labat, Lauburu elkartearen kidea, izan da erakusketa honen ontzailea. olentzerori buruz, liburu didaktiko bat atera zuen eta erakusketak liburuaren atal nagusiak berriz hartzen ditu. Claude Labat-ek berak egin marrazki eta argazkiekin apaindurik.

Erakusketa sei panelez osatua da. hauek dira gai desberdinak: Olentzeroren pesta, pertsonaia, garaia, erroak, leienda eta mezua.

Hona hemen eskuragai erakusketaren atal desberdinak:

• Olentzero pertsonaia (pdf 400ko)
• Olentzero garaia (pdf 608ko)
• Olentzero kondaira (pdf 672ko)
• Olentzero mezua (pdf 348ko)
• Olentzero pesta (pdf 392ko)
• Olentzero erroak (pdf 588ko)