Bizkaiko golkoaren arragoan, Euskal Herria. 20 000 kilometro karratuko lurraldea, bi estatuetan kokaturik : Frantzian eta Espainian. 3 milioi jende, horietarik 260 000 iparraldean.
Hiru administrazio, zazpi probintzia :
- Iparraldean : Pirinio Atlantikako departamenduaren barnean, hiru probintzia : Lapurdi, Nafarroa Beherea eta Zuberoa.
- Hegoaldean : Gipuzkoa, Bizkaia eta Arabak Euskal Autonomia Erkidegoa osatzen dute. Eta Nafarroa, beste eskualde autonomo bat da, bi erkidego horiek daukatelarik beren gobernu propioa.
Euskal Herriko probintziak
Flash animazioa ikus (Flash Media Player irakurgailuarekin)
Mila koloretan, Euskal Herria bazter urdin eta muskerrez josia...
Pirinioetako mendiek besarkatzen dituzte itsasoaren uhainak. Haran berdeen bidetik datozela Nafarroako zelai horailak,muinoek oihanen zabaltasunarekin bat egiten dutela,
Aturritik Ebrora, Herri bera.
Herritar berak, Europako populuetan zaharrenetarik.
Hemen jendeak bizi ziren 100 000 urte baino lehenagotik.
Euskal Herriaren berezitasun ohargarriena gure hizkuntza da, euskara.
Jatorria oraindikotz ezezaguna delarik, Europako hizkuntzetarik zaharrenetarikakoa da, indo-europartarren aitzinekoa.
