Euskarazko komunikabideak

Azken hogei urteetan, euskararen presentzia anitz azkartu da Euskal Herriko komunikabideetan. Euskal Telebistak (Euskal Autonomia Erkidegotik zabaltzen dena)

publiko zabala lortu du, ipar Euskal Herrian ere. Erredakzio bat badu Baionan, egunean bi aldiz ematen den 7 minutuko emankizuna egiten duena (http://www.itelebista.com).

Bere aldetik, France 3 Euskal Herri-k 6 minutuko albistegi bat egiten du egunero (seitarik bat euskaraz) eta asteroko emankizun bat Euskal Herriko aktualitateaz (hiru saiotarik bat euskaraz da frantsesezko azpi-tituluekin).

Euskadi Irratia eta Euskadi Gaztea euskarazko zerbitzu publikoko irratietaz gain, 50 bat irrati libre badira Euskal Herrian, horietarik batzu bakarrik euskaraz ari direlarik.

Hori da ipar Euskal Herriko 3 euskal irratien kasua : Gure Irratia (1981) Lapurdin ; Irulegiko Irratia (1982) Baxe-Nafarroan eta Xiberoko Botza (1982) Xiberuan.
France Bleu-k 55 minutuko euskarazko emankizuna eskaintzen du astelehenetik ostiralera.

1990an, Egunkaria sortu zen, euskaraz idatzia zena eta Euskal Herri guzian banatua. Egunkaria 2003ko otsailan hetsia izan zen Baltazar Garzon-ek aginduta. Jendeen erantzuna hain zabala izan da non Berria deitu egunkari berri bat sortu zen ondoko hilabeteetan.

Euskarazko astekarietan, bi aipatuko ditugu beren biziluze eta hedapen-eremuarengatik : Herria (1944, Baiona) eta Argia (Zeruko Argia, 1963, Argia bilkatu zena 1988an).

Baliabideak

Euskarazko egunkari eta astekari batzu

Berria : 2003an sortu informazio orokorreko egunkaria (lehenengo Egunkaria) : http://www.berria.info

Herria : 1944an sortu astekaria, bereziki ipar Euskal Herriko aktualitatea aipatzen duena.
Historia - Kontaktua

Argia : 1963an sortu informazio orokorreko astekaria : http://www.argia.com

Xirika : gazteen informazio astekaria :
http://www.xirika.com

Euskara hutsezko telebistak eta irratiak

Euskal Telebista 1 : Eusko Jaurlaritzak sortu euskarazko telebista. http://www.eitb.com

Irrati libreak : hogei bat orotara, horietarik hiru ipar Euskal Herrian Euskal Irratiak federazioaren kide direnak :

Gure Irratia : 106,6 FM (Baiona)
Antxeta Irratia : 89,7 FM (Hendaia)
Irulegiko Irratia : 91,8 FM (Donibane-Garazi)
Xiberoko Botza : 95,5 FM (Maule)

Gure Irratia http://www.gureirratia.com helbidean entzun daiteke.
Irulegiko Irratia http://www.irulegikoirratia.com helbidean
Xiberoko Botza http://www.xiberokobotza.org helbidean

Euskarazko irrati publikoak : Euskadi Irratia (94,4 FM Baionan) eta Euskadi Gaztea (103,5 FM) : http://www.eitb.com

Interneten bidezko irrati elebiduna (euskara-frantsesa)

Radiokultura.com http://www.radiokultura.com

Euskarazko emankizunak eskaintzen dituzten irratiak

France Bleu Pays Basque : euskarazko emankizuna eguerditik oren bata arte(101,3 FM Baionan) : http://www.radiofrance.fr

France 3 Euskal Herri : 2003an, 6 minutuko albistegiaren %8a (19:20) eta asteroko 40 emankizunetarik 5 euskaraz : http://www.france3.fr

Lapurdi Irratia : Euskal Herriko katoliko komunitatearen irratia, astean euskarazko 24 oren emankizun eskaintzen dituena (96,8 FM) : http://www.lapurdi.net

Tvpi : euskal kostaldeko eta Landesetako hegoaldeko tokiko telebista, erregularki euskarazko erreportaiak ematen dituena : http://www.tvpi.fr/