|
(We apologize for not being able to present the contents in English for the moment. You can get the information in absence in one of the other languages available on the site. ). Language Issues Euskal Irratien historia eta bilakaeraEUSKAL IRRATIAK elkartea 1997an sortu zen, GURE IRRATIA (1981an sortua Baiona ondoan Milafrangan), IRULEGIKO IRRATIA (1982an sortua Donibane Garazi ondoan Irulegin) eta XIBEROKO BOTZAk (1982an Maulen sortua) elgarrekin eginiko programa amankomunen inguruan. 16 urtez, gehienbat bolondresek eta gero eta gehiago profesional bilakatu diren esatariek, 3 irrati biziarazten zuten egunean 24 orenez bainan eta zuzenean 10 bat oren. Elkarte irratiak izanki, kudeaketa beti bolondresek segurtatzen dute Administrazio Kontsiluen bidez. Noiz behinaka programak elgarrekin egiten zituzten : igandeetako meza, zuzenezko kirol saioak eta presoen familiek egindakoak. Gero goizetako 7.30tako berrisail amankumuna eta asteko aktualitateako debatea Mintzalekua sortu ziren. 1997an beraz, egitura amankomun bat EUSKAL IRRATIAK, egunero 4 orduko saio amankomunak eta 4 ardatzeko proiektu bat sortu zuten Euskal Herria 2010 xedeak bultzaturik eta Euskal Herriko Garapen Eskemaren baitan. 4 lan ardatzak :
Gaur egun, berrisail guziak amankomunean egiten erredaktore buruaren zuzendaritzapean eta bestalde, irrati bakoitzak bere tokiko berrisail propioa du. Programazioan elementu berri zenbait ere sartu dugu eta igande eta festa egunak elgarrekin egiten segitzen dugu. Aurtengo aldaketa nagusia programazioan kirol informazioaren ingurukoa izan da. |
Euskal Irratiak
Gure Irratia http://www.gureirratia.com helbidean
entzun daiteke Informazio osagaiak
|
