Euskal haziak : elebitasuna eskola giristinoetan
Eskola giristinoek, irakaskuntza elebiduna proposatzen dute 1969az geroztik. Euskal Haziak, gela elebidunetako federazioak, atseginez ikusten du kopurua beti emendatuz doala.
Euskara erakaskuntzako eta komunikatzeko mintzaira da. Bizi den mintzaira bat, eta ikaslearen izaite osoa hunkitzen duena.
Euskara bizi den eta ikasten den mintzaira :
- klasean
- ikastetxean (iniziazioa eta elebitasuna eskainiz)
- familietan
- sozial ingurumenean
- kultura eta erligio ingurumenean
Haurra eta gaztea bere osotasunean hartzen duen mintzaira :
- Izaite osoari zor zaion garapena eskaintzen diona, osagai izpirituala barne
- Nortasunaren bila doan gazteari doakiona
- Populu batean partaidetza emaiten diona
- Historian eta geroan erroak lotuak dituen populua
- Hizkuntza menperatuz eta erabiliz bide hortarik doa haurra
Murgilketa eta ber-eskuratze kulturala Euskararen menperatzearekin batera doazi.
Antolaketa pedagogikoa eskola elebidunetan
Ama-eskola eta lehen mailan :
Ikasleek erakasle eta gela berexak dituzte euskararentzat eta frantsesarentzat, eta gai bakotxa mintzaira berean erakutsia da osoki.
Erakaskuntza egituratua da ziklo bakotxaren arabera helburu eta neurketa jarraikiak antolatuz.
CE2ko ikasleen artean egin azterketek ulermen mail ona erakusten dute, haatik ahozkoa eta idatzia gehiago landuak izan behar dutela azpimarratzen dute. Eskola girixtinoetako erakasle talde pedagogikoak gogoetak eta lanak egiten dituzte haur guziak osoki elebidunak izan daitezen lehen maila bururatzean.
Kolegio eta lizeotan :
Hizkuntza helburuak eta konpetenziak Hezkuntza Nazionalaren Agerkari Ofizialean finkatuak dira.
Ikasleeri eskainia zaie :
kultura eta hizkuntza erakaskuntza, astean 3 orenez,
ikas-gaiak ala euskaraz ala frantsesez lantzea, mail hortako ikasketetan hizkuntza bakotxean eginak diren gaiak aldizkatuz.
Kopuruen bilakaera erakaskuntza katoliko elebidunean
Kopuruak | 2001-2002 | 2002-2003 | 2003-2004 | 2004-2005 |
---|---|---|---|---|
Eskoletan | 1114 | 1267 | 1442 | 1496 |
Kolegioetan | 243 | 292 | 331 | 374 |
Lizeoetan | 28 | 50 | 53 | 60 |
Kopuruen emendatzeak erakusten du gurasoek erakaskuntza elebiduna hautatzen dutela beren haurrentzat. Gure belaunaldiek ez dezaten euskararen desagertzeko erantzunkina ukan, erakaskuntza girixtinoak indar guziak ematen ditu hizkuntzaren berpiztean.