Zer da gure bizia

Zer da gure bizia adiskide maitea ?
Iragaitze labur bat nahigabez bethea.
Oi, zenbat atsekabe gure harat-hunetan
zenbat kirets, bihotz min goiti-beheitietan !

Bai, orhoitzen bagina zein iraungikor diren
Hemengo izaiteak, ez ginduke bizturen.
Eskatima, gerlarik : bake maitagarria
Izakientzat laite bizi gozagarria.

Baldin gizona balitz zuhurtziaren jabe.
Kimeretarik urrun, herrakunderik gabe.
Berak ikus lezake bertze jenderik dela,
Bai eta harma laite bizitzerat bestela.

Nihor zuhurtziaren amodio duenik,
Edireiten badugu elkargana lehenik.
Guziak hil gaitezen, utz ditzagun zoroak ;
Goazen prezia ditzagun egiazko gozoak.

Anonimoak/Elaudi