5. Bertsolariak
Bertsoak
Bideoa gustukoa ukan duzu? Ez duzu maitatu? Zergatik? Zure iritzia eman gure blogan.
Idatzia izan aitzin, euskara ahozko hizkuntza zen, besteak beste bertsolaritzak aberasturik.
Amets Arzallus ospe handiko bertsolari bat da, Euskal Herri osoan preziatua. 1983an Donibane Lohizunen sorturik, ikasketak Baionako Bernat Etxepare lizeoan egin ditu, Leioako unibertsitatera joan aitzin kazetaritza ikastera. 2009ko Bertsolari Txapelketa Nagusian bigarren atera da.
Maiana Irigoyen 1992an sortu zen Baionan. Baionako Bernat Etxepare lizeoko terminaleko ikaslea da. 9 urtetan hasi zen bertsoak egiten. 17 urtetan, bertsolari belaunaldi berri bat ordezkatzen du, ohitura horretan emaztearen lekua baieztatuz. Bertsolari txapelketetan maiz parte hartzen du. 2009ko Iparraldeko Bertsolari Txapelketan - 18 urtetik beheitikoen kategorian - bigarren atera da.
Iparraldea XXI : kapitulu guziak
Dokumentalaren zati jakin bat ikus dezakezu ondoko aurkibideari esker.
1. zatia Elixabet Aizager (Euskal Herria zuzenean Festibala) |
2. zatia Philippe Malvaux, surf entrenatzailea (Pôle France Surf) |
3. zatia Maika Etxekopar eta Ihitz Iriart (Amaren alabak) |
4. zatia Céline Petrissans (Dantza Hirian festibala) |
5. zatia Maiana Irigoyen eta Amets Arzallus bertsolariak |
6. zatia Jon Eyherabide (Mak taldea) eta Itxaro Borda |
Bideo osoa kalitate handian (HD) ikusi
[+] BONUS 2: Iparraldea XXI - Argazkiak.
Bertsoak
Iparraldea XXI
Amets Arzallus:
Modernitate delako horrek eni egin daut zimiko
Frantsestu gara, amerikartu, ez gara gure Herriko
Gure hizkuntza galtzera goaz eternitate guziko
eta beldur naiz ez ote dudan ene begiz ikusiko
Maiana Irigoyen:
Idek begiak, ez beldur ukan, euskaldunak beti hor gara
Gure hizkuntza heltzen ari da eremu berrietara
Atzo baserrin, egun hirian, ahotik belarritara
Alorretatik karriketara jalgi hadi gur'euskara
A.A.:
Arrazoin duzu, jalgiak gira gu karrikaren erdira
Gure hizkuntza ta izaitea biak elgarri begira
Baina karrika horren erdian zerbait gertatzen ari da
Gure gainetik mundu osoko kulturak pasatzen dira
M.I.:
Beste kulturak bai pas'ten dira gurearen inguruan
Ze inporta du, gu euskaldunak gira mundutar buruan
Zaharrenetarik izanik ere, ez da galtzeko punduan
Lotsarik gabe euskara ahoan ibili gaiten munduan
