Kanboko ikastetxearen aurkezpena
Gure kolegioa San Mixel Garikoitz deitzen da, apez hori Kanbon egona baitzen bikario gisa.
Ikastetxea pixkanaka handitu da eta gaur egun 290 bat ikasle gira, 6.etik 3. erat.
Ikasleak kanboarrak gira edota inguruko herrixketik heldu.
Mail bakotxan klase elebidun bat dugu ; hor, euskara aztertzen dugu, baita ere matematika, historia, geografia, herritar heziketa eta kirola.
Euskarari lotuak diren aktibitate batzu ere baditugu : mus iniziazioa, txapelketa eta bistan dena Bost Iturri korala.
Korala hortan, 65 gira, elebidun eta elebakarrak, Itoiz projetuan parte hartzen dugunak. Ostegun guziz entrenatzen gira, baina bakotxak etxean ere lantzen ditu kantuak Sylvie Bidegainek eman digun diskari esker.
Ainitz gustatzen zaigu kantatzea, omore onean iragaiten delakotz, lagunekin girelakotz eta kontzertuak emanen ditugulakotz. Horrek arras pizten gaitu.
