EUSKAL HERRIA ZUZENEAN

Elkarteak, Euskal Herriko kulturaren hedapena eta sustatzearen alde lan egiten du. Euskal Herria Zuzenean festibalaren antolatzailea da.

http://www.ehz-festibala.com webgunetik hartu aurkezpen testua

Hitzordu garrantzitsua barnekaldean

Festibalaren ideia sortu zelarik duela zortzi urte, baitezpadakoa iduritzen zitzaigun barnekaldean antola zedin . Erizpide berdintsuekin segitzen dugu gaur egun. Festibala Euskal Herriko barnekaldean bizirik dela frogatu nahi nahi dugulako.

Laguntzaileak eta festibalariak elkartuz

Urtez-urte, laguntzaileek osatzen duten festibalaren bizkarrezurra azkartuz doa. laguntzaileen kopuruaren emendatzeaz gain (mila baino gehiago 2004an), arduratze-prozesua handitzen da ere: gero eta lagun gehiago atxeman daiteke koordinazio eta antolakuntza lanetan, festibalaren onurako. Fenomeno horrek gazte kopuru handi baten dinamizazioa laguntzen du, gazte horiek Euskal Herrian lan eta bizitezeko gogoa erakusten dutelarik. Horrez gain, festibalak belaunaldien arteko zein kostalde/barnekaldearen arteko biltokia izan nahi du. Horrela, distanziak baita kulturak eta bizimoduak ere banatzen dituzten jendeak elkartzeko posibilitatea dute.

Landutako gaiak

Festibalaren helburuetariko bat kapitalismoaren eta neo-liberalismoaren eraginaren kontra borrokatzea da. Mundializazio prozesua etengabekoa dela konbentziturik, herrien eta sektore sozialen arteko desoreka bultzatuko duen alter-mundializazio baten aldeko apustua egiten dugu. “Herrien Eurock-a World Companyren aurka" leloak ezin argiki erakusten du hori. Herrien arteko elkartasuna eta kidetasuna ispilatzen ditu ere festibalak, herri minorizatuen elkarte eta taldeak jinaraziz. Drogamenpekotasunari doakionez, sensibilizazio lana egiten da hiru egunez eta informazioa zabaltzen dugu gai honen inguruan, urte osoan zehar hortan ari diren elkarte batzuekin batera. Hiesari buruzko prebentzioa egiten segitzen dugu, milaka preserbatibo banatuak bait dira gunean berean.

Denentzako Kultura

Euskal Herria Zuzenean festibalak hastapen-hastapenetik ahalik eta prezio merkeen proposatu ditu, sartzea denek erosteko parada ukan dezaten. Denbora berean, kalitatezko programazioa bermatu dugu, denentzako kultura den programazioa, publiko guziei idekia dena, adina, jatorria edota klase sozial guzien gainetik.

Elkarteen arteko loturak azkartuz

Elkarteen arteko dinamikak eta aktibitateak koordonatu, elkarteek ukan ditzaketen beharrei erantzun, behar horiek material edo logistikoak izaiten ahal direlarik, administratibo lanetan lagundu..